QISO MURUGO BADAN: QEYB 1 AAD
Waxaan raadinayey oo aan baafinayey mudo 14 sano ah baafintii saaxiibkey oo aan kala lunay 2009, baafinteydi waxay noqotay mid aanan weligeed lagu guulaysan doonin😢
Saxiibkeey Shiishka Shoolaay waxaan isku baranay garoon kubada cagta oo kuyaalay Nairobi Islii, xaafada Section one 2007.
Galab aan ciyaar Final ah wada dheelnay oo aan 3:4 uga badinay koobkiina uga qaadnay.
Ciyaarta daqiiqadihi ugu danbeyey ayaa aniga iyo isaga wax nakala gaareen Isagu markaas wuxuu dheelayey difaac midig Duwe anigana dhexda 10 ayaa ciyaarayey.Wuxuu ahaa nin xoogan oo timo dhaadheer tintuna gadaal ugu xirantahay laastiik markii danbena wuu sii daayey sidii Paolo Maldini ayeey timihiisu garbihiisa shimaax -shimaaxinayeen, xusuusteyda, wuxuu ahaa nin aan fowdo badnayn oo beezaani ah.
Balse galabtaas labadeenaba xamaasad baa naga tan badisay oo weliba anigaa gacan qaadka ku horeeyey.
Galabtii ciyaarta markii ay dhamaatay ayuu socodka soo boobsiiyey anigoo sii socda ayuu iga daba yimid, garabka ayuu iga taabtay,anigoo Feer iiduubanyahay ban soo jeestay,wuxuu igu yiri sxb aniga isha iyo daanka ayaa wax yar iga gaareen adiga ameey wax ku gaareen? salaana wuu isoo taagay.
Run ahaanti waxan garowsaday inuu yahay nin zaciim ah oo rag iyo Rabiba yaqaan.
Waxan ku iri saxiib dhib malaha kubad waligeed baa lagu dagaali jiray sorry hadey wax ku gaareen.Kadib waxaan noqonay Saxiibo ceeshow milix ah,waxa uu isoo jeediyey inaan kooxdiisa kusoo biiro isagaa ayaa Kaptan u ahaa kooxda balse markii aan imid kooxda Kaptanimadi aniga ayuu igu sharfay, wuxuuna ii muujiyey soo dhowayn walalnimo.
Waan xusuusta wuxuu igu yiri Saaxiib adiga Ciyaal Wardhiigley Cali-Kamiin Iyo Xamarbile Ayaa ahayd anigana waxaan ahaa Ciyaal Suuqa Xoolaha, gaar ahaan xerada Militariga.
Marka waan ubaahanahay koox isku dheeli tiran ee kaptan howsha igala wareeg.
Kooxda Inteeda kalena wuxu ku yiri Shoolaay oo nin iska qaboow ah ayaa barateen waxa kooxda Kaptan unoqday Diyeshe quuq dharbaaxsho
Comments
Post a Comment